miércoles, 10 de junio de 2009

Deportistas de máis de 20 países competirán en Ferrol no Campionato Iberoamericano de Triatlón

O alcalde, Vicente Irisarri, presentaba a proba xunto aos directivos da Federación española e galega de Triatlón. O campionato se celebrará o 13 e 14 do próximo mes de xuño e será puntuable para as Copas de Europa e América.

Ferrol se convertirá de novo en sede dunha proba de triatlón do máis alto nivel. Ao Campionato de España 2007 nas categorías cadete e xuvenil e ao Estatal Absoluto, que tiña lugar un ano máis tarde, se vén a sumar agora o Campionato Iberoamericano, que terá lugar os vindeiros 13 e 14 de xuño. Unha proba que se celebra cada dous anos e que é puntuable para o Campionato de España Élite, sub-23 e por grupos de idade, así como para as Copas de Europa e América. Así o anunciaba en rolda de prensa o alcalde, Vicente Irisarri, acompañado do concelleiro de Deportes, Manuel Santiago, do presidente da Federacións Española, José Hidalgo, e da Galega, Santiago Martínez. Así, preto de 300 deportistas se desprazarán ata a urbe naval para participar na única carreira do calendario puntuable tanto no continente europeo como no americano.

Neste contexto, o rexedor ferrolán destacaba o excelente traballo do equipo técnico do Concello, cuxa profesionalidade e bo facer daban como froito que as federacións estatal e autonómica volveran a confiar un ano máis na cidade para organizar un evento destas características. Unha cita importante dende o punto de vista deportivo, xa que a urbe naval concentrará aos mellores triatletas do panorama nacional e internacional, e trascendente tamén para a economía local, ademáis de constituir un auténtico escaparate da riqueza patrimonial, cultural, gastronómica e paisaxística da cidade departamental.

Nesta liña, Vicente Irisarri ratificaba a intención da Administración local de continuar volcándose con este deporte porque, segundo aseguraba, “se están cumprindo as máximas fundamentais” do goberno municipal ao poñer en marcha hai dous anos o Proxecto Plurianual de Desenvolvemento do Triatlón en Ferrol: vida sana, deporte de base e competicións de élite que sirvan para proxectar o deporte entre a mocidade ferrolá. E, ao fío, o edil facía público o agradecemento de todo o equipo de goberno tanto á iniciativa pública como á privada ao apoiar un evento destas características.

O concelleiro de Deportes subliñaba que se trata da cita deportiva máis importante que se vai a desenvolver este ano na cidade. Para elo, volveu a pedir a colaboración de tódolos sectores implicados: clubes, movemento asociativo, persoal municipal e voluntarios, aos que agradeceu de antemán o esforzo para acadar as metas fixadas e que pasan por conseguir que o Campionato Iberoamericano sexa outro gran éxito da cidade.

Pola súa banda, José Hidalgo apuntaba que Ferrol fora un descubrimento a nivel organizativo para o organismo que preside. Tanto pola implicación das institucións como pola colaboración cidadá. E avanzou que Concello e Federación traballan xa nun proxecto de maior calibre do que polo momento non quixo ofrecer máis datos. Na mesma liña se manifestaba o vicepresidente da Federación Galega de Triatlón, quen subraiaba a importancia de albergar unha proba deste calibre en Galicia, “xa que demostra a nosa capacidade organizativa e que o triatlón galego vai”.

Respeto da proba que se celebrará os vindeiros 13 e 14 de xuño en Ferrol, Hidalgo explicaba que, de carácter bianual, é a única cita puntuable tanto para Europa como para América. Unha singularidade que potencia o seu interese. De feito, avanzaba que máis de 20 países de fala hispana confirmaron xa a presenza dos seus atletas nesta cita. Paralelamente á disputa desta proba, Ferrol albergará tres congresos: o de presidentes das xuntas directivas; o de xuíces oficiais e organizadores e o de formadores e técnicos

martes, 9 de junio de 2009

O tan cacarexado aforro do goberno do señor Feijoo non é nos coches, é no sistema educativo público


- As palabras do Conselleiro de Educación son un atentado contra os principios de igualdade e non discriminación por motivos de sexo que deben rexer a actuación das administracións públicas.

- Con esta actitude favorable a actitudes de discriminación nas aulas, a Xunta pon fin a catro anos de políticas mediante as que se loitou contra todo tipo de discriminación na escola, e na que por fin se deu o paso adiante de eliminar os concertos educativos cos centros que segregan por sexo, na súa maioría, vinculados ao Opus Dei.

- A actuación da Consellería vai de mal en peor e demostra unha visión exclusivamente mercantilista da educación na que aplica demagoxia no tema da lingua e discriminación nas aulas, e na que se está a facer un ERE encuberto na reagrupación de alumnado e na diminución de prazas de profesorado, algo que afectará terriblemente á calidade do sistema educativo


Santiago de Compostela, 9 de maio de 2009. As Xuventudes Socialistas de Galicia (XSG) rexeitan frontalmente as primeiras actuacións da Consellería de Educación nestes primeiros meses de Goberno da dereita. Primeiro foi o reagrupamento de alumnado, cando todo indica que pedagoxicamente a ratio debería diminuír polo menos ata quince; logo foi a suposta separación nas aulas por motivos de lingua e agora toca a defensa, en palabras do conselleiro de educación "como unha alternativa" da separación de sexos na escola.
Segundo a secretaria xeral das XSG, María Torres, "esta nova actitude por parte do conselleiro de Educación, supón moitos e perigosos pasos atrás en materia educativa nestes primeiros meses de goberno da dereita"

O sistema educativo é un espazo fundamental no que se desenvolven principios e valores de cara á consecución dunha sociedade cada vez máis igualitaria e máis xusta. Precisamente por isto, "Non entendemos que separar o alumnado por motivos de lingua ou sexo, sexa unha opción". De feito, a propia Lei orgánica de educación (LOE), no seu artigo 84.3 establece claramente que "en ningún caso haberá discriminación por razón de nacemento, raza, sexo, relixión, opinión ou calquera outra circunstancia persoal ou social"

Esta actitude do titular de Educación non pode ser máis que rexeitada por parte da sociedade galega, xa que non se poden tolerar en pleno século XXI actitudes favorables á discriminación nas aulas. "Que será o próximo que nos propoña a Xunta de Galicia, segregar por razón de raza ou ideoloxía? Teremos aulas en galego e en castelán e de nenos e de nenas?”. A escola é o segundo factor de socialización e un factor clave no desenvolvemento da súa personalidade, un lugar no que educa en valores a cidadanía, non exclusivamente en contidos, por iso non é tolerable en ningún caso que neste espazo se normalice a segregación por sexos ou lingua que vai rotundamente en contra dos principios de igualdade e non discriminación "Non se educa só co se di, senón tamén co que se fai".

A actuación da Consellería vai de mal en peor e demostra unha visión exclusivamente mercantilista da educación na que aplica demagoxia no tema da lingua e discriminación nas aulas, e na que se está a facer un ERE encuberto na reagrupación de alumnado e na diminución de prazas de profesorado, algo que afectará terriblemente á calidade do sistema educativo, pois cando todo indica que a ratio debe baixar para acadar a atención individualizada, esta Consellería de Educación fai grupos máis grandes e elimina profesorado.

As Xuventudes Socialistas defendemos sempre a participación dos pais e nais na educación dos seus fillos e fillas en colaboración coa escola, pero a demagoxia da consulta sobre a lingua que está facendo a Consellería é inadmisible, xa que se usa esta consulta para xustificar unha política lingüística que vai en contra da política de normalización da lingua galega.
Segundo Torres Pose "os galegos e galegas non podemos permitir este tipo de declaracións de alguén que representa a totalidade da nosa sociedade e non a un sector dela que segue ancorada no pasado. Se continuamos favorecendo actitudes deste estilo totalmente inxustificadas parece que volveremos a ese pasado do que algúns nunca quixeron que saísemos".

Parece que o tan cacarexado plan de aforro da Xunta de Galicia se está a aplicar con especial dureza na educación pública galega, polo que chama especialmente a atención que só sexa no ensino público e non no ensino concertado, ao que a Xunta parece que quere volver a financiar pese a quen lle pese.