As XSG-Ferrol afirman que o que se esconde detrás do copago sanitario imposto polo PP non é a economía, senón a súa ideoloxía

As Xuventudes Socialistas de Ferrol (XSG-Ferrol) afirman que “o copago sanitario que vai a impor o PP responde á súa ideoloxía conservadora e non ás modificacións económicas que debe facer o país para saír da crise”. O secretario xeral da Organización, Aitor Bouza, considera que “facer pagar aos pensionistas parte dos medicamentos é o colmo da política neoconservadora que está a levar a cabo o Goberno e que se basea en facer pagar o prezo da crise a quenes menos teñen”.

A Organización cualifica a actitude de Rajoy de “cobarde” pois “non foi capaz de dar a cara ante os cidadáns para explicar o machadazo nos dereitos sociais que está afundindo o país”. As XSG-Ferrol, ademais, acusan ao Goberno de “tirar polo camiño fácil, xa que en vez de pescudar novas fórmulas para afrontar a crise dedicouse a retallar, retallar e retallar dereitos sociais e servizo públicos”. E engaden que “máis que un Goberno novo semella un goberno gastado cuxas políticas responden a unha mentalidade económica obsoleta”.

Os mozos/as socialistas tamén afirman que “é indigno que o PP introduza o copago cando boicoteou a subasta de medicamentos en Andalucía que permitiría conter o gasto en dita partida”. E recomendan ao Goberno “seguir o exemplo da Comunicade andaluza que está pescudando novas formas de saír da crise sen atacar a sanidade e a educación”.

Ademais, a Organización asegura que “parece que o Goberno do PP non se cansa de mentir aos cidadáns”. E lembran que “Rajoy comezou mentindo durante a campaña electoral e non parou dende entón: o copago santiario, os retallos en educación, a subida de impostos... son só algúns dos exemplos nos que o presidente do goberno mentiu aos cidadáns descaradamente e polos que perdeu toda credibilidade”.

Por último, Aitor Bouza advirte que “grazas ao PP estamos cambiando o Estado de Benestar polo “estado do malestar” no que os cidadáns ven retallar os seus dereitos sociais á vez que o Goberno failles repagar por todo o que se sostén xa cos seus impostos.

As XSG-Ferrol piden aos mozos/as que se afilien para defender os seus dereitos y frear á dereita

As Xuventudes Socialistas de Ferrol (XSG-Ferrol) lanza a campaña de afiliación impulsada dende a Organización a nivel nacional co nome “Dálle voz ás túas ideas” para aqueles mozos/as do noso país que pescuden defender os dereitos sociais, a igualdade de oportunidades e o Estado de Benestar fronte aos retallos do PP, afíliense a XSG-Ferrol. Neste senso, a Organización entende que “agora que o Goberno de Rajoy retallou o orzamento en educación e bolsas, eliminou a renda básica de emancipación e reduciu o orzamento destinado a políticas de emprego é fundamental que os mozos/as nos defendamos e reivindiquemos máis unidos que nunca, os nosos dereitos”.

Dende XSG-Ferrol lembran que “nesta época de crise, as tesoiras de Rajoy fixeron dado, especialmente, aos mozos/as pois non só dificultaron o noso acceso á educación pública senón que, ademais, está fomentando o traballo precario cunha reforma laboral que permite contratos de emprendedores cos que se pode despedir sen indemnización tras un ano de traballo”. Porén, a Organización pide aos mozos/as que “se afilien a XSG-Ferrol para defender os seus dereitos ante as políticas do PP” e aseguran que “quen entre en XSG-Ferrol atoparase cunha organización aberta e participativa na que a loita polos dereitos sociais, a igualdade de oportunidades e a cohesión social son os piares fundamentais”.

“Dálle voz ás túas ideas” non é só para os mozos/as socialistas unha campaña de afiliación, senón que pretende mostrar, ademais, que XSG-Ferrol é a resposta que moitos mozos/as atopan para defenderse dun Goberno de dereitas incapaz de atopar outra solución á crise que non consista en asestar un machadazo ao Estado de Benestar.

As XSG-Ferrol consideran que cos orzamentos Rajoy racha a cohesión social e a igualdade de oportunidades

As Xuventudes Socialistas de Ferrol (XSG-Ferrol) consideran que os Orzamentos Xerais do Estado (OXE) presentados polo Goberno demostran que “o PP continúa cargando o peso da crise sobre os máis débiles e que defraudar no noso país sale gratis”. Para a Organización “a aministía fiscal que propón Rajoy é un insulto aos cidadáns que vén como agora quenes non pagaron os seus impostos e defraudaron ao país teñen beneficios fiscais, mentres a quen pagaron cada ano os seus impostos se lles incrementa o IRPF ou o IBI”.

Segundo expuxo o seu secretario xeral, Aitor Bouza, “o PP destapou ao fin nos OXE o seu programa oculto baseado en retallos sociais para as clases medias e beneficios fiscais para as clases altas”. Ademais, asegura Bouza que “Rajoy marcou un novo récord no noso país, xa que en menos de 100 días eliminou axudas sociais como a renda básica de emancipación ou a lei de dependencia; retallou nos orzamentos en educación un 21% e reduciu os cartos destinados a políticas activas de emprego en máis de 1.500 millóns de euros”. “Eso sen contar-engade- a subida da luz e do gas que afectan, directamente, ás clases medias e a terrible reforma laboral atenta contra os traballadores/as e que até o propio Partido Popular asegurou que non creará emprego e que destruirá preto de 600.000 postos de traballo”.

Dende XSG-Ferrol esixen ao PP que “modifique a súa política de retallos e reduza os orzamentos sobre outras áreas que non sexan a educación, sanidade e emprego”. Ademais, piden ao Executivo que se plantexe o imposto ás grandes fortunas como fórmulas de recadación fiscal en vez de dar un premio cunha amnistía a quenes defraudan”.

Para a Organización “o restultados deste OXE é que estamos antes uns orzamentos que xerarán máis paro, máis desigualdade e menos crecemento económico e que nos colocarán á cola de Europa”.

Por último, os mozos/as socialistas aseguran que “con estes Orzamentos, o PP esqueceuse de que goberna para todos os cidadáns, xa que conducen ás clases medias á asfixia económica e racha a cohesión social e a igualdade de oportunidades” e lembran ao Goberno de Rajoy que “as clases medias e os traballadores/as non teñen porque pagar o prezo da crise mentre o seu Goberno premia aos grandes defraudadores cunha amnistía e aos empresarios cunha reforma laboral que devolver aos dereitos laborais de hai 40 anos”.