As Xuventudes
Socialistas de Ferrol esixiu ao Goberno, co motivo do Día Mundial da
Xustiza Social, que reforme as políticas fiscais e as prestacións
sociais para mellorar a redistribución e evitar maiores prexuízos
ás familias con menos ingresos.
Para Aitor Bouza,
secretario xeral das XSG-Ferrol, “O Estado de Benestar só pode
conseguirse mediante o reparto da riqueza e o garante de acceso de
toda a cidadanía a unha serie de servizos públicos.”
En opinión das
Xuventudes Socialistas, “Xustiza Social é a redistribución da
riqueza entre a poboación para mitigar os efectos perversos do
capitalismo.” “É crear emprego sostible, é garantir o acceso ao
ensino, á saúde e a atención ás familias”- engaden.
Bouza asegurou que
“tres cuartas partes do fraude fiscal existente en España proceden
da banca, as transnacionais e os grandes patrimonios, o que nos leva
a que España teña un índice de desigualdade de 34, moi superior á
media europea.” “Precisamos reformular o sistema impositivo
español – engadiu- para que pague máis quen máis ten.”
O secretario xeral das
XSG-Ferrol afirma ademais que “a xustiza social non é caridade,
consiste en que ninguén teña que pedir limosna. Non significa
aplazar desafiuzamentos, senón ofrecer solucións a medio e longo
prazo e trátese de escoitar á cidadanía que reclama un sistema
máis xusto.”
No hay comentarios:
Publicar un comentario